жарқылдың сәуле шығаруы

(Световое излучение)

ядролық жарылыстың зақымдаушы факторы. Ол инфракүлгін, инфрақызыл және көрінетін сәулелерден тұрады. Сәуле жарқылы пайда болғаннан кейінгі секундтың алғашқы үлесінде температура миллиондаған градусқа жетеді және ультракүлгін сәулелер басым болады, ал отты шардың суыну дәрежесіне қарай көрінетін және инфрақызыл сәулелер басым болады. Ж.с.ш. — жарылыстың жарық шығарушы бөлігі. Бұл бөлік жарылыстың 8000 – 10000о С температураға дейін қызып, балқыған газ түріндегі өнімдерінен тұрады. Ж.с.ш. үлесіне жарылыс энергиясының 35 %-ына дейін келеді. Ж.с.ш. уақыты жарылыс қуатына байланысты. Ол адамдар мен жануарлар терісінің ашық бөліктерін күйдіріп, көзді зақымдайды, өнеркәсіп объекті-лерінде, елді мекендерде және ормандарда өрттер шығарып, түрлі материалдарды тұтандырады. Түрлі заттардың көлеңкелері, сондай-ақ паналау ғимараттары мен паналау орындары қорғаныш бола алады.